ភ្នំពេញ៖ អ្នកស្រី ត្រឹង ងា ឈ្មោះដើមថា ឡាយ ហ៊ុនគី ម្ចាស់ស្នាដៃសៀវភៅអរិយធម៌ខ្មែរ បានទទួលមរណភាពហើយនាព្រឹកថ្ងៃទី២៨ ខែសីហា ឆ្នាំ២០២២នេះ។
តាមការឲ្យដឹងពីម្ចាស់ហ្វេសបុក Panhcharun tpr បានសរសេរថា ឧបាសិកាកិត្តិបណ្ឌិត ឡាយ ហ៊ុនគី ហៅអ្នកស្រីត្រឹង ងា បានទទួលមរណៈភាពកាលពីម៉ោង៧ ថ្ងៃទី២៨ សីហា ២០២២ ដោយរោគាពាធ។
ហ្វេសបុកដដែលបន្ថែមថា៖ «ដោយកម្លាំងកុសលកម្មដែលអ្នកម្តាយបានធ្វើសូមអ្នកម្តាយបានទៅកានសុគតិភព កុំបីខានឡើយ»។
ពិធីបុណ្យសពអ្នកស្រី ត្រឹង ងា នឹងប្រព្រឹត្តទៅនៅថ្ងៃទី២៨ ដល់ ២៩ សីហា ២០២២ នៅផ្ទះលេខ១៦ ផ្លូវ១៤៣ សង្កាត់វាលវង់ ខ័ណ្ឌ៧មករា។ ពិធីបូជាសពនឹងប្រព្រឹត្តទៅនៅវត្តគល់ទទឹង នាថ្ងៃទី៣០ ខែសីហា ឆ្នាំ២០២២៕
